Variante_2_def_web.jpg

Bärge, wo i Himmel gand,
ghogerigs und äbes Land,
Schattewäldli chuel und lieb:
Alles das isch Beggeriäd.

Beggriäder Liädli. Musik und Text: Walter Käslin

 

«verruckt
das Wiadukt

sone Protz
vome Chloz

sone Brocke
vome Mocke

es Gschräi
us Stäi

e Schlegel
us Beton
und Traat

wo s Panoraama
zämeschlaad.»

s Leenewiadukt. In: Di root Eysepaan

 

D Bletter gheijid
und es faad etz afe herbschte,
d Bletter gheijid
und vergaa tuäd d Farbepracht.
D Näbel steygid usem See
und s faad a winde,
und es chuäled und wird cheydigfeyschdri
Nacht.

Herbscht. Text und Musik: Walter Käslin

 

Är wott nid Späck und Boone,
är wott äifach Magroone,
heech uf der Alp, im Tal,
i de Wuche sibemal.
Käi Naatisch, käi Meloone,
är wott Älpler-Magroone,
derzuä e Meygimoscht,
das isch sey liebschti Choscht.

Refrain zum Lied «Älpler-Magroone». Text: Urs Zumbühl /Musik: Walter Käslin